2Begiekin

Begiradak metatzen ditut.

Sortu eta atoan harrapatzen zaituzten argazki klikak.

Denbora hausten duten zulo beltzak dira.

Hain betirakoak

Gaur zurea batu dut

Sedukziorako antzezpena.

So iheskor multzoa hasieran

begien atzean ostendu zara, gero

baina akabukoan ikusi zaitut.

Une hori nirea izan da.

Gurea.

Argia bezain bizkorra.

Ezerezaren matazan galdua

Gomuten artean, txikiena.

segundu hura dagoeneko zakuratuta dago.